പ്രണയം

പ്രണയമൊരു വളർത്തു നായയാണ്
ഒരിക്കൽ അന്നവും വെള്ളവും
കൊടുത്തു എന്ന കാരണത്താൽ
ജീവിതകാലം മുഴുവൻ വാലാട്ടി നില്ക്കും
എത്ര തട്ടിമാറ്റിയാലും
കാൽച്ചുവട്ടിൽ വന്നു കിടക്കും
ഒരെല്ലിൻ കഷണത്തിനായി
വാതിൽക്കൽ കാത്തിരിക്കും
ചങ്ങലപ്പാട് മാഞ്ഞാലും
കെട്ടിയ കുറ്റിയ്ക്കു ചുറ്റും കറങ്ങിക്കൊണ്ടിരിക്കും

Read more...

ചില തിരിച്ചറിവുകൾ

എത്ര ശാന്തമായി പച്ചപ്പട്ടണിയിച്ചു കടന്നു പോയാലും 
ഒരിക്കൽ, പുഴ ആർത്തലച്ച് തീരങ്ങളെ കവർന്നെടുത്ത് പോകുക തന്നെ ചെയ്യും 
എത്ര രഹസ്യങ്ങൾ ഉള്ളിലൊതുക്കിയാലും
കടൽ, ഒരിക്കലതിന്റെ അവശിഷ്ടങ്ങൾ കരയിലെത്തിക്കുക തന്നെ ചെയ്യും
മഴവില്ലുകളാൽ എത്ര വിസ്മയിപ്പിച്ചാലും ഒരിക്കൽ, മേഘങ്ങൾ മിന്നൽ കൊണ്ട് ഭൂമിയെ പൊള്ളിക്കുക തന്നെ ചെയ്യും

Read more...

ചിന്തകൾ

ചിന്തകൾ പുഴുക്കളെപ്പോലാണ്
ചിലത് ,
തെളിഞ്ഞ ആകാശത്തു നിന്ന്
അറ്റം കാണാത്ത നൂലിലൂടെ
ഊർന്നിറങ്ങി മുഖത്ത് തട്ടും 
കൈ തട്ടുമ്പോൾ തെറിച്ചുവീണ്
അപ്രത്യക്ഷമാകും.

ഇലക്കീഴിൽ ഉറങ്ങിക്കിടന്നവയിൽ ചിലത്,
വിരലുകളിൽ മൃദുവായൊരു നടുക്കം സമ്മാനിച്ച്
പുതിയൊരു പുലരിയിലേക്കു ചിറകു വിരിക്കും

ആരുമറിയാതെ,
കൈത്തണ്ടയിലേക്കരിച്ചു കയറുന്നവ
തട്ടിയകറ്റുമ്പോഴേക്കും
ഉണങ്ങാത്ത വ്രണങ്ങൾ തീർത്തു കഴിഞ്ഞിരിക്കും

Read more...

പാഠഭേദങ്ങൾ

തിരുത്തേണ്ട ചില പാഠങ്ങൾ ഉണ്ട് 

ചില മുന്തിരികൾക്ക്
എപ്പോഴും മധുരമായിരിയ്ക്കും
ചില നെല്ലിക്കകൾ ആദ്യാവസാനം 
ചവർപ്പ് മാത്രമേ നല്കൂ

Read more...

കനൽ

ഉള്ളിൽ എത്ര എരിഞ്ഞാലും 
പുകഞ്ഞു തീരുന്ന ചില മരങ്ങളുണ്ട് ഒന്ന് ആളിക്കത്താതെ 
ഒരു പുൽത്തലപ്പിലും തീ പടർത്താതെ 
ഒരു കനൽ പോലും അവശേഷിപ്പിക്കാതെ 
ഒടുവിൽ കാറ്റിലലിഞ്ഞു ചേരുന്നവർ

Read more...