ഒടുവിൽ

ഒടുവിലാണറിഞ്ഞത്,
ഒരു അർദ്ധവിരാമം കൊണ്ടോ 
പൂർണ്ണവിരാമം കൊണ്ടോ അവസാനിപ്പിക്കാവുന്ന
തുടർബിന്ദുക്കളിൽ ഒന്നു മാത്രമാണ് ഞാനെന്ന്.
ഒരിക്കലും ഒരു വാക്കായി പരിണമിക്കാതെ,
ഒരു നീർത്തുള്ളിയാൽ മാഞ്ഞു പോകുന്നതും
ഒരു നിഴലിനാൽ മറഞ്ഞു പോകുന്നതും
ഞാൻ മാത്രമായിരുന്നുവെന്ന്.

Read more...

വേരുകൾ

ചില മരങ്ങൾക്ക്, 
ചുറ്റും പരന്ന് കിടക്കുന്ന വേരുകളുണ്ട്
തായ് വേരറുത്തു എന്ന് ആശ്വസിച്ചാലും
എവിടെനിന്നെങ്കിലും ഒരില മുളച്ചുപൊങ്ങും,
മണ്ണുമൂടിക്കിടക്കുന്ന വേരുകൾ 
ചോരയൊലിപ്പിക്കും,
ഇനിയൊരിക്കലും മരമായിത്തീരാതെ,
തളിരുകൾ മണ്ണിൽ മുരടിച്ച് നില്ക്കും

Read more...

എത്രയായാലും

എത്ര ശാന്തമായി 
പച്ചപ്പട്ടണിയിച്ചു കടന്നു പോയാലും 
ഒരിക്കൽ, പുഴ ആർത്തലച്ച് 
തീരങ്ങളെ കവർന്നെടുത്ത് പോകുക തന്നെ ചെയ്യും 
എത്ര രഹസ്യങ്ങൾ ഉള്ളിലൊതുക്കിയാലും
കടൽ, ഒരിക്കലതിന്റെ അവശിഷ്ടങ്ങൾ 
കരയിലെത്തിക്കുക തന്നെ ചെയ്യും
മഴവില്ലുകളാൽ എത്ര വിസ്മയിപ്പിച്ചാലും ഒരിക്കൽ, 
മേഘങ്ങൾ മിന്നൽ കൊണ്ട് ഭൂമിയെ പൊള്ളിക്കുക തന്നെ ചെയ്യും

Read more...

മഴയത്ത്

പെരുമഴയത്ത് ഇരു കുടകളിൽ 
സംസാരിച്ചുകൊണ്ട് നടക്കണം
മഴയിരമ്പലിൽ, മറ്റെയാൾ
പറയുന്നതെന്തെന്നറിയാതെ
മഴത്തുള്ളികൾ വീണടഞ്ഞു പോകുന്ന
കണ്ണുകൾ ചിമ്മിച്ചിരിക്കണം
കോർത്തു പിടിച്ച കൈകളിലെ
മഴവെള്ളത്തെ മുറുകെപ്പിടിക്കണം

Read more...

മഞ്ഞ്

സങ്കടത്തിന്റെ ഓരോ കടലിലുമുണ്ട്
കണ്ണുനീരിന്റെ മഞ്ഞു കട്ടകൾ
അളക്കാനാവാത്ത ആഴങ്ങളിൽ
ഒളിച്ചിരുന്ന് തലയുയർത്തുന്നവ
വെയിലിലും മഴയിലും ഇടയ്ക്കിടെ
മുങ്ങിനിവരുന്നവ
അലിഞ്ഞു തീരാൻ
ഒരിളം ചൂടിനായ് കാത്തിരിക്കുന്നവ 

Read more...