ഉത്സവച്ചിത്രം
ഒരിക്കലും മാറ്റി വരയ്ക്കാനാവാത്ത
ഉത്സവച്ചിത്രം പോലെയാണ് ഓർമ്മകൾ
കറുത്ത സത്യങ്ങളെ നെറ്റിപ്പട്ടമണിയിച്ച്
തിടമ്പേറ്റി നിർത്തുന്ന കാലം
തീരാത്ത മത്സരങ്ങളുടെ കുടമാറ്റങ്ങൾ
സ്നേഹത്തിന്റെ വെൺചാമരങ്ങൾ
സ്വപ്നങ്ങൾ പീലി വിടർത്തുന്ന ആലവട്ടങ്ങൾ
ഒരു കൈ ചെണ്ടയിലും ഒരു കൈ വായുവിലും നിർത്തുന്ന
ആവേശത്തിന്റെ സന്തുലനങ്ങൾ
നിലയ്ക്കാത്ത കെട്ടു കാഴ്ചകൾ
അലിഞ്ഞു തീരാത്ത മധുരക്കൂമ്പാരങ്ങൾ
0 അഭിപ്രായ(ങ്ങള്):
ഒരു അഭിപ്രായം പോസ്റ്റ് ചെയ്യൂ